為慶祝墨魚媽既生日, 黎JW Marriott既The Lounge食Sunday brunch已經成為咗指定動作.
舊年因為book唔到7月, 同墨魚媽提議不如試吓第二間, 點知墨魚媽既反應係寧願唔食. 所以今年不敢鬆懈, 早個幾月前就打去酒店訂定位. 價錢已經加到$710/位(包酒精飲品) or $610/位(唔包酒精飲品), HSBC白金卡有8折.
食咗幾年, 其實都無咩想再講, 可能大家都食到無咩驚喜, 所以我地提議下年不如試吓第二度啦, 墨魚媽似乎無咩異議, 所以短期內應該都唔會再黎幫襯了.
另外今年見到王馨平同佢老公+兩位老人家坐喺對面枱.
食完個brunch就行咗陣PP, 經過我既賣飛弗朱古力店, 忍唔住入去睇咗陣, 其實就算去到歐洲我都唔捨得買黎食. 不過今次呢盒係流沙包送, 嘻嘻~
10粒裝盛惠$260:
食譜參考: 新手下廚 高木八江著
糖醋豬肉片
成本: 約$24
材料:
1.豬肉片 $9
2.三色椒2個 $14.9
3.醬油1小匙
4.酒1/2小匙
5.生粉1小匙
調味料:
1.熱水1/4杯
2.黑醋1又1/3大匙
3.砂糖3/4大匙
4.醬油2小匙
5.鹽少許
步驟:
1.豬肉片加入醬油及酒先醃
2.三色椒切粒
3.熱鑊下油, 加入豬肉片拌炒至變色
4.加入三色椒炒勻
5.加入調味料, 待煮沸後, 加入生粉水勻芡, 即成
檢討: 雖然我覺得味道唔錯, 但人地食譜張相, D汁係掛喺D餸上面; 但我就總是整到D汁水汪汪咁…
照燒豬肉餅
成本: $14
材料:
1.免治雞肉 (我買咗免治豬肉) $14
2.薑汁1/2小匙
3.酒1/2大匙
4.生粉1/2大匙
5.醬油1小匙
調味料:
1.酒1/2大匙
2.味醂1大匙
3.醬油1大匙
4.砂糖1/2大匙
步驟:
1.將免治豬肉加入薑汁, 酒, 生粉及醬油先醃
2.將材料用手捏成楕圓形肉餅
3.熱鑊下油, 先煎兩面
4.加入調味料, 蓋上鍋蓋, 以小火燜煮2分鐘
5.打開鍋蓋, 轉中火, 邊搖晃鑊邊熬煮至收汁, 即成
檢討: 用豬肉整, 出黎口感好乾, 無肉汁. 其實我買咗麵包糠諗住撈落去, 但唔記得咗
是日晚餐盛惠: $60 (仲有個木瓜瘦肉雞腳湯無影相)
食譜參考: 輕食小茶餅 黃盈瑩著
成本: 約$13 (9小個)
材料:
1.雞蛋1隻 $1.2
2.菜油60g (我用咗無鹽牛油) $4.8
3.糖粉50g (我用咗砂糖) $0.53
4.麵粉100g $1.3
5.泡打粉3g $0.18
6.鹽1小撮
7.香蕉1 隻$2
8.檸檬汁少許 $3
9.雲呢嗱香油少許
步驟:
1.蛋+菜油+糖粉+雲呢嗱香油混合攪勻
2.麵粉+泡打粉+鹽混合篩勻
3.香蕉壓爛, 與檸檬汁混合
4.將香蕉蓉與粉類混合
5.加入蛋混合物, 拌勻
6.將麵糊倒入模內至8成滿, 入爐180度焗15分鐘
檢討:
1.呢個食譜麻麻, 將香蕉蓉及麵粉混合很費時, 之後與蛋混合物拌勻時又很難將兩者拌勻, 個麵糊搞到一舊舊咁
2013年7月13日(六), 我地出咗尖東食buffet.
今次我地揀咗九龍香格里拉既Cafe Kool, $318/位, HSBC白金卡有8折. 食完之後我覺得普普通通.
海鮮方面得D蟹腳, 蟹鉗同蜆. 熟食方面好似有好多咁, 有即煮pasta, 即煮湯粉麵同粥. 問題係我黎得食buffet, 我會唔會食得落pasta+湯粉再加多碗粥呢? 熱盤都係麻麻地, 唔吸引囉…
果度仲有個印度corner, 有印度咖喱呀, 薄餅呀, 印度式煮茄子/菠菜etc., 對於唔好印度野既我, 即係完全無晒選擇.
係甜品方面叫做令人滿意少少, 雪糕係Haagen-Dazs, 有大約十款味道, 同埋有炒雪糕. 搞笑在仲有光酥餅, 芝麻餅提供.
食完buffet我地打算去睇吓忌廉哥, 不過得忌廉嫂喺度, 忌廉哥仲訓緊.
我地等咗陣, 忌廉哥終於起身啦, 佢一出巡, 即刻吸引到大批人圍住.
之後我地行咗陣海港城, 到咗四點幾, 流沙包要返元朗做野, 我就自己去做facial.
做完facial我入元朗家政坊買整cake材料, 家政坊都有肥貓, 今次佢訓咗落籃, 忍唔住要影佢相.
夜晚等流沙包11點做完野, 我地去咗B仔食宵夜. 其實我一向都唔係好鍾意食B仔, 不過今晚唔想行太遠, 所以就是是但但黎咗B仔.
黎到無咩野想食, 求其叫咗個芒果黑珍珠, 我決定以後都唔會再叫呢款甜品, D黑珍珠黑色細細粒, 講真有昆蟲仔跌咗落去都唔覺囉, 賣相完全令人無晒食欲…
食譜參考: 輕食小茶餅 黃盈瑩著
成本: 約$15 (10件)
材料:
1.麵粉60g $0.78
2.泡打粉1g $0.06
3.榛子粉42g (我用咗榛子醬20g) $4.8
4.無鹽牛油溶液70g $5.6
5.糖漿15g
6.雞蛋1隻 $1.2
7.砂糖40g $0.42
8.淡忌廉23g $0.92
步驟:
1.粉類先過篩
2.牛油溶液與糖漿混合
3.雞蛋+砂糖用電動打蛋機打起, 再加入牛油用打蛋器手動攪勻
4.慢慢拌入粉類, 榛子醬及淡忌廉拌勻
5.倒入模具約8成滿
6.入爐180度焗15分鐘
7.加入朱古力醬於蛋糕中央位置
檢討:
1.味道好好, 不過無咩咬口, 如果可以加入核桃碎或入爐朱古力粒會更佳
第二朝, 我地真係專登五點幾起身諗住睇日出.
朝早都有好多牛牛喺沙灘, 仲有好多雀仔.
八點幾, 我地落去食早餐, 個早餐我覺得都唔錯, 有火腿, 煙肉, 薯餅, 腸仔, 漢堡扒, 炒麵, 麥皮, 生果, 麵包.
食完早餐, 我地喺酒店附近行咗陣, 到12點就check-out勒.
水漲既時候係咁既:
check-out後本來諗住去津津食店食lunch, 然後過隔離既咩野梅窩文化中心參觀 (逢星期三, 六, 日先開), 諗住咁樣安排好fit啦. 點知間津津食店休息一天無開, 而間文化中心要到1點先open. 我地唔想等, 於是就出番碼頭, 搭車去東涌.
去東涌本來係想行吓outlet, 但我本身其實唔多鍾意行香港既街, 個outlet亦無咩啱我, 所以喺outlet兜咗個圈就搭車返屋企lu.
返到屋企, 我開始唔舒服囉… 我好鬼無用架, 好多時去完郊遊, 行過山曬過太陽, 就會病架啦~ 唉… 結果第二日我手軟腳軟又喉龍痛, 連行去睇醫生既力都無, 唯有飲多D水同埋訓多D.
7月1日, 出咗尖沙咀. 我同流沙包先去咗Sheraton Hotel既The Cafe食lunch buffet. 其實本來唔係想黎呢度, 因為之前tea buffet我地已經黎過. 不過我地今朝先即興想話食lunch buffet, 打電話去其他酒店問已經full booking, 唯獨Sheraton仲有位, 所以就黎呢度.
食飽飽後去咗THE ONE睇福山雅治真夏之方程式. 睇完戲之後, 無啦啦見到姆明, 仲要無人排隊, 即刻埋去合照~
離開尖沙咀, 我地去咗荃灣, 因為一田新開張, 我想去行吓.
呢隻熊本熊, 我上次去九州既時候佢仲未"出世", 佢肥嘟嘟傻吓傻吓個樣都幾鬼可愛, 又走埋去合照~
講開一田, 不得不佩服佢地既CEO莊偉忠, 睇完蘋果日報有關佢既訪問, 我真心好想加入佢地既團隊~ 呢D先係做實事既公司嘛~
喺訪問裏面, 有好多金句, 令我好有同感, 例如:
「明明返工時間係9點，個會就8點45分開，（公司）仲唔係想攞人着數？個會又無內容，只係例牌講下手頭上有乜工作咋喎。」
開早會係日本公司最最最鍾意做既野, 我都做過唔少公司係返9點, 但就要人8點半返到公司, 講吓大家有咩follow緊… 最搞笑係有時成間公司數埋其實唔夠十個人, 平時同事喺身邊講電話/食飯講開, 根本大家已經知大家做緊乜follow緊咩野, 我唔明點解仲要"煞有介事"開埋D無生產能力既會.
「好簡單，一般公司職員每日花最多時間去做乜呢？檢討啦、俾人鬧啦、互相指責啦、發自己脾氣啦、去開會討論一啲根本無人控制到嘅嘢啦……每日就花40%、50%精力，去搞呢啲不事生產嘅嘢，咁生產力點會高？」
日本公司亦都勁勁勁鍾意開會, 做presentation, 花時間做埋D好靚既chart呀, powerpoint呀, 圖表呀. 我試過做一間日本公司, 每個月有一日係"開會日", 全公司supervisor職級以上既同事果日就係全日喺會議室開議, 同事輪流報告呢個月實績係點, 下個月既forecast又係點. 基本上呢一日係完全做唔到野, 開會前又要花時間做定powerpoint, 無無謂謂, 開會時其實只係呆坐囉…
我亦做過一間日本公司, 個日本人上司有一日專登叫全世界開會, 就係為咗"教導"大家做excel時個table D線應該點樣, 幾時要加線, 幾時要隱藏條線… holy cow! 我日日OT到八, 九點都做唔晒D野, 你仲花時間同我地講個table既款式要點, 痴痴地…
銀鑛灣酒店做團購, 我地揀咗平日去, 2日1夜包晚餐及自助早餐, 2位收$899, 另外check-in時要再比$158服務費.
http://hk.deals.yahoo.com/hong-kong/offer/history/82074
我地7月9日~10日去住咗兩日. 7月9日我地先入咗梅窩食lunch, 去咗La Pizzeria食飯, 叫咗個pizza同埋mini ribs.
pizza個底好硬, 好難用刀叉切細份黎食, 所以索性用手. 個ribs我覺得麻麻地囉, 唔多入味. 杯mango shake好濃, 如果可以再凍D就好.
2點鬆D我地去到酒店check-in, 佢問我地要唔要海景房, 加多$150, 話可以睇到日出喎… 最後我地都加咗錢, 佢安排我地住喺舊翼. (新翼果邊好似主要比咗班俄羅斯學生住)
入到房, 搵黎搵去都見唔到個電視遙控器, 諗住打電話落front desk, 佢個"reception button"又打極唔通, 最後要上網搵番個酒店電話打.
我地喺酒店攤咗陣, 就出去行吓. 果陣四點左右, 水退, 好多人喺沙灘摸蜆.
跟住我地就去咗行山, 三十幾度行真係好攞命, 我已經擔晒傘, 但真係勁熱, 要買雪條, 跟住又要買汽水飲.
銀礦灣瀑布, 我自己論論盡盡, 擦損左個膝頭哥囉, 即刻爆晒缸.
銀礦洞, 個洞就無咩特別, 但上到黎個view唔錯.
我地趕住天黑前返到酒店, 原來傍晚時份有好多牛牛會聚集喺沙灘架, 佢地會好悠閒咁喺酒店出面行, 好得意架~
行完山就返酒店食dinner, 個dinner有餐湯, 沙律, 主菜同飲品, 唔好講味道啦, 但求填飽肚算啦~
食完飯返房沖涼, 無浴缸, 等我仲專登帶咗包浴鹽諗住浸吓添.
同埋沖涼時先發現上手住客既沖涼野仲喺個架上面囉, 竟然無清理到!!! 嘩, 好嗱渣囉!!!!
洗面台上面又發現有上手剩低既頭髮, 我真係對呢間酒店打晒折扣囉…
同埋張雙人床好細吓, 仲細過我屋企張床, 同埋D被鋪好鞋, 個枕頭又超淋, 墊兩個枕頭都仲係唔夠, 訓得幾辛苦…
食譜參考: 輕食小茶餅 黃盈瑩著
成本: $14 (約24小件)
材料:
1.麵粉26g $0.34
2.可可粉10g $1.5
3.杏仁粉40g $3.72
4.無鹽牛油溶液80g (我用咗68g only) $5.3
5.蛋白兩個 $2.4
6.糖粉60g (我用咗砂糖) $0.63
步驟:
1.麵粉+可可粉先過篩
2.蛋白用電動打蛋機打起
3.分數次加入砂糖以電動打蛋機拌勻
4.加入粉類以膠刮拌勻
5.加入牛油溶液以膠刮拌勻
6.倒入模具至八成滿
7.入爐180度焗10分鐘
檢討:
1.好似甜咗少少…
7月7日, 去咗三聖同流沙包既中大同學一齊食海鮮. 佢同學之中識人可以直接同艇家攞海鮮, 然後叫餐廳加工.
我地自己帶咗幾支白酒去:
聽講果度既燒鵝都好出名, 我地叫咗半隻:
芝士焗龍蝦, 好重芝士味:
辣酒煮花螺, 我地叫咗小辣, 所以唔係好夠味:
呢餐埋單每人$320, 其實仲可以平D, 因為海鮮本來預咗10個人, 但最後有人病咗黎唔到, 否則呢餐每人應該唔駛$300~~
My Blog 